An Everyday Scottish Villain

Before A tell ye my story, there’s somin ye should know. A didnae ask for this. A didnae ayways want tae be like this. A didnae create some mad serum in a lab to give ees super strength or build a mental technological suit to help ees fight crime. Christ, A barely even looked after myself. A wee 5km run there, a game of 5’s wi ma pals if they were short o’ bodies there. Maybe a’d half-arsed try tae diet if I noticed the auld capital D graun in the mirror but that was it.

And listen, am no writing this tae ask for yer apologies, for ye tae turn up at my door an’ say “it’s awright mate, aw is forgiven”. Am dain it cos A wantae be left alone. Aye A ken how that sounds but it’s true, A wantae be able to sit aboot in ma kegs playing FIFA or just gaun oot wi a bird to the cinema withoot some arsehole interrupting the film tae tell ees am their hero, or worse, expecting ees tae save their fucking granny fi dying eh cancer. So, here gauns.

First time A ever flew was the night A tried tae top myself. A was absolutely fucked, A’d been on ma ain aw day listening to depressing as fuck music, drinking aw the bevvy in the hoose until A’d drunk it dry. By the end ae it, A’d decided A’d had enough.

So, there a was, stood in the pishing rain, greeting ma face off, pish staining the front o’ ma joggies and shite running doon the back of ma leg. What a fucking pathetic excuse for a human being. A felt sorry for the poor cunt that had tae wade oot for what was left o’ ees the next day or even worse scrape ma brains up fae the side ae the water. Sorry mate, A thought, shouldae stuck in wi yer exams though. What a fucking weird thought that was eh? My last ever thought and am critiquing some poor bastard coonsel workers life choices.

A looked doon intae the dark unknown and stepped off the edge. It’s true what they say mind, as soon as e dae it, ye regret it. A’d have geen anythin tae have reversed that decision. Lucky for me A never hit the concrete wall ae water 50 feet beneath ees then eh? aye lucky boy, that’s me right enough.

A opened ma eyes and looked oot at the darkness. A could see fuck all, a wondered if a’d somehow woken up in a fuckin box. That’d have been the perfect fucking end for a fuck-up like me, couldnae even dae that right, A thought, a’ve ended up waking up in my fuckin coffin destined tae fuckin rot tae pieces. As it turned oot, A could tell that A was getting soaked tae ma skin, so A kent A was still ootside. A felt the pulsing waves beneath ees tickle ma feet through the cauld ae ma trainers. A looked doon and if a hadnae shite ma’self awready, A’d have done it right there and then. A was stood, naw that’s no right, I was hovering half a metre above the waves. Then, just as easy as it is tae get oot yer wankin chariot in the morning and shuffle through for a pish, A took off toward the edge o the water, landing on the safe, solid concrete. As A hink aboot it now it sounds ridiculous. A wouldnae believe it if some cunt started slaverin oan about how they were takin their dug for a walk and suddenly they realised they could shoot lasers oot their eyes.

Fae there A developed mare hings. A could lift anyhin A wanted. A could run fast as fuck. And aye a could shoot lasers oot ma eyes. Ma body started lookin like one o them erseholes on the front o Men’s Health magazine. Ripped as fuck. Like Hulk Hogan on even mair steroids than he was on when a was a bairn. Even if A ate 7 chippies a week I was still ripped tae fuck. Listen, superpowers or no, A wisnae planning on ditching ma king rib suppers fae Sergio’s.

Efter realising A was the only person on Earth wi superpowers I did what maste folk would dae. A got fuckin steamin and sterted textin aw ma auld birds selfies eh ma 6 pack and muckle biceps. A got a class yin o me shooting lasers across ma kitchen, burnt right through the front o ma fridge door tae. Course the replies were pretty much aw the same. “Aye gid yin dickhead” came the first. “Nice special effects app, whit yin is it?” came another. The best one though “Haha, there’s mare chance o me graun a muckle cock than there is o you being ripped like that”. Aye, cheers Big Courtney.

The final hing A realised A could dae was heal hings though. I say hings cos A only realised it when A was oot running fast as fuck and belted straight intae this wee dug. A went right through the wee bastard, blood and guts awwhere. A went ower and picked up his wee heid, greeting an apologising like it’d make the blindest bit difference. Except, it fuckin did! The next hing a knew the wee bastard was licking ma face and kicking his wee back legs intae my stomach.

After the dug A decided tae dae a wee experiment. A waited until the middle o the night and ran doon tae the cemetery. A took a wee wander roond in the pitch black, shining ma laser eyes tae illuminate the grave stanes until A came across a tiny wee yin. Some poor wee laddie that had deed at 8 yer auld. A’d love tae tell e A stood there debating the moral consequences ae what a was aboot tae dae but to be honest a couldnae have started shovelling the dirt up fast enough. Quite literally. A had the wee coffin up in nae time wae ma mental strength and fast as fuck airms. A ripped the top off and grabbed the poor wee laddie in ma airms. He can only have been deed weeks or months cos he wasnae rotten or that but he was grey as fuck and he was definitely fuckin stinkin. His dusty wee eyes flickered open and he started breathin fast as fuck, shiting umself. “It’s awright wee man” A says tae um “A’m healing e.” Poor wee bastard almost passed oot straight away, thankfully eh managed tae croak oot where eh lived before he slumped back intae ma airms. A flew um hame and left um in his wee bed, still aw made up.

If yer reading this e probably ken much o the rest. The parents woke up, shite themselves then sterted posting photaes eh the wee fellae on social media. Cos nothing’s every really happened unless e post it online eh? Fuds. What seemed like the whole world, had set up camp ootside this families hoose in Bathgate. Fae aw kinds ae media, tae cults dedicated tae the wee fellae, tae religious freaks thinking this wee boy was the second coming o whae-ever. The family were making an absolute mint off it. And fair play tae wee Andy he never said what happened tae him. Maybe ae couldnae mind but A suspected he wanted tae keep me his ain wee secret.

A gave it a few weeks before A eventually came forward and contacted the BBC tae tell them what a’d done. They immediately banned ees fae contacting their social media accounts and somehow managed tae cut off ma phone line and broadband efter contacting them that way. A wouldnae have believed ees either of course. They left ees nae choice but tae make a wee surprise appearance on the 6 o’clock News. A rushed past security, flew ontae the screen and picked up the tidy wee lassie dain the weather. She was lovin it, nae doubt about it. Efter A stopped the bullets fae the security and they stuck the cameras back oan, a was able tae tell ma whole story. A telt yees aw aboot ma superpowers and how A found oot aboot them. It was class. I was living the high life. Getting sent aw this designer stuff tae wear and getting DM’s fae aw the top models.

For aboot a week, that is.

Then it started. Locally to begin wi. Folk fi ma auld school knocking doon ma door asking me to heal their maws arthritis or take a look at their da’s prostate. They didnae even have the decency tae try and get on ma gid side either. No even “awright mate, mind that time a knocked e oot behind the bike sheds cos e looked at ma bird in fourth year”. Naw. It was mare like “Haw you, heal ma maw.” “Hoy, dae what ye did for that wee laddie tae ma Uncle’s deed budgie”. A ended up just flying away up tae the sky and thrawn stanes at them. A obviously didnae mean to kill that cunt wi that stane, a forgot ma ain strength. And a flew doon and healed him onyway, a never understood what the big deal was.

Soon efter the Government were doon ma throat, getting me tae dae wee missions for them. “it’s yer duty son, for Queen and Country” they said tae me. Flying intae war zones and lasering fuck oot ae these mad Barbarians and jihadis. I soon realised that it was up tae me tae make that decision though. This isnae Gotham City. There isnae the good guys and the bad guys. And there’s nowt tae say that the Government are the gid guys. In fact there’s alot o evidence tae suggest otherwise. Why should a knock off wee Kimmy Jong just cos some posh toff cunt tells ees tae? How div a ken he’s no sound? He hings aboot wi Big Dennis Rodman so I reckon he must be awright like.

That’s why a did what a did. A realise now that it was a bit extreme but if you were a miserable wee shite that wanted tae top yersel then ye turned intae Superman mixed wi the Hulk, ye might gaun a wee bit power hungry tae. A ken A shouldnae have done it, but a did. Folk need tae get ower it.

Am sorry for slaughtering aw they MP’s awright? Is that what ye want tae hear? Am sorry. A was steaming again. I flew doon tae speak tae them at Westminster, they started freakin oot and condescending ees and a lost it. The lasers came oot, heids started rollin and my thirst fur blood turned ees a wee bit mad. These things happen. Well they dinnae anymare obviously cos av calmed doon a bit. There’s nae point sending the airmy, there’s nae point the Yanks trying tae fuckin nuke ees again cos none o it works. So please just leave ees alane. If ye want tae say awright or gees a wee high five when e see ees that’s fine, a’ll try no tae break yer wrist like a did that wee laddie in Washington. A was still learning then.

Am no a Villain just cos a dinnae want tae heal the world like Michael fuckin Jackson. Am just a normal guy. So, please, next time ye see me dinnae ask ees tae bring yer wee guinea pig back fae the deed, dinnae ask ees tae assassinate that fanny in the White Hoose and for the luv o fuck dinnae ask ees for a selfie, am fed up payin oot for new phones. Stupit fuckin laser eyes.

Oh aye, and for aw the folk asking online: no am no single, aye A am gaun oot wi Margaret Boaby, Hamilton’s very ane Margot Robbie Impersonator and naw, nae amount o superpowers stop e fae blowing yer load prematurely.

One thought on “An Everyday Scottish Villain”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s